BYD саудасы 2020 жылдан бері алғаш рет төмендеді

Тоқсан қорытындысы бойынша BYD сатқан көлік саны 2 % азайды. China EV Data Tracker мәліметінше бұл 2020 жылдан бері алғаш тіркеліп отыр. Бұған дейін көрсеткіш айқын өсіп келген, тек жаздың аяғында қарқыны бәсеңдеді. Geely-дің үшінші тоқсандағы нәтижесі жылдық көрсеткіш бойынша 96 %-ға жеткен.

Үшінші тоқсанда әлем бойынша BYD-дің 1 105 591 автомобилі өтті. Сарапшылардың айтуынша 146 % өскен экспорт (232.8 мың машина) және электрокарға сұраныс артуы (582.5 мың) сияқты факторлар болмағанда нәтиже тіпті нашар болар еді.

Қыркүйекте жалпы сауда шамамен 6 % төмендесе, BYD брендінің танымалдығы бірден 11.6 % түсті, бұл үрдіс Қытай нарығында айқын көрінді. Брендтің қуатталатын гибридтеріне сұраныс алты ай қатарынан азайып жатыр, қыркүйекте 25 %-ға жетті.

Концерннің суббрендтері тұрақты өсіп келеді. Мысалы, қыркүйек қорытындысы бойынша FangChengBao-ның саудасы былтырмен салыстырғанда (24 мың машинадан сәл асады) 345 % жоғарыласа, премиум Yangwang дилерлері 758 көліктің (145 % өсім) кілтін табыстады.

Көліктеріне қызыққан кісі көбейгеніне қарамастан, иесін тапқан автомобиль саны бойынша Geely компаниясы BYD-ден оза алар емес. Сарапшылар бөлек топтаманың танымалдығы артты дейді. Мысалы, электрлі Geely Galaxy қыркүйекте 130 %-дан аса өсім көрсетіп, рекордтық деңгейге (120 868 машина) жетті. Күзде Xiaomi, Xpeng және Leapmotor сынды стартаптар ең жоғары нәтиже көрсетті.