BYD концерні гибрид және электрокар сынауға арналған автоспорт кешенін ашқанын хабарлады.
Чжэнчжоуда орналасқан
Парктің тағы бір маңызды элементі — құм төбе. Мамандар оған 6200 тонна құм төгіпті, кей жерлері 28 градус еңіс орналасқан. Биіктігі 30 метрге жуықтайды. Дәл осы құрылым рекордтар тізіміне автомобильге арналған ең үлкен жасанды құм төбе ретінде кірді.
Сонымен қатар 70 метрлік таяз өткел, көлікті басқара алмай қалғандай әсер беретін жылжымалы пластиналар тұрған, үйкеліс коэффициенті төмен алаң, тереңдігі 3 миллиметр су жайылған 44 метрлік дрифт шеңбері бар. Кешен аумағында жол талғамайтын көлікті 27 түрлі сынақтан өткізуге болады.
Асфальт тректің ұзындығы — 1758 метр, ол тоғыз бұрылыстан және 550 метрлік түзу жолдан тұрады. Одан бөлек ауданы 15.3 мың шаршы метр болатын жеке парк салған. Бұл жерде BYD модельдеріндегі интеллект көмегімен жүргізу технологияларының әуселесін байқайсыз.
Концерн кешен құрылысына 700 миллион доллар жұмсады, ондағы мақсаты — Қытайдағы жүргізушілердің мәдениетін көтеру және кәсіби шабандоздар дайындау. Болашақта BYD Хэфэй мен Шаосинде осыған ұқсас тағы екі кешен ашады.
Көлік тізгіндеп, көңіл көтергісі келетіндер 599 юаньнан 6666 юаньға дейін (44.9 мыңнан 500 мың теңгеге дейін) ақы төлейдіі. Ең арзан пакетті таңдасаңыз, бір модельді бір сағатқа алып, түрлі алаңда сынап көресіз және Yangwang U9 суперкарына жолаушы ретінде отырасыз. Ал ең қымбаты 2.5 сағат бойы кез келген қолжетімді машинамен бүкіл полигонды армансыз аралауға мүмкіндік береді.
Комментариев: 0