Кей-кар жапондар жақсы көретін өте кішкентай автомобиль түрі. Әдетте ұзындығы — 3.4 метр, ені — 1.48 метр, биіктігі 2 метрден аспайды, Ал моторы небәрі 64 ат күшін береді. Мұндай машина үшін иесі аз салық төлеп, тұрақтан көп орын іздемейтіндіктен, мінсіз қала көлігі саналады.
Мемлекет беретін көмек азайып, салық сомасы артып бара жатса да, шағын техника күншығыс еліндегі автомобиль нарығының 35 %-ын құрайды.
BYD ассортиментін кеңейту барысында осы сегментке назар аударып, электрлі кей-кар әзірледі. Қазір тұмшаланған прототип сынақтан өтіп жатыр, марка оны 2026 жылдың аяғына қарай өндіре бастайды деген болжам бар.
Carnewschina таратқан ақпаратқа сүйенсек, BYD кей-кары 20 кВт·сағ батареямен жабдықталады, WLTC циклі бойынша жүріс қоры 180 шақырымға жетеді.
Шамамен 2.5 млн иен (17 700 доллар) тұратын электромобиль Nissan Sakura және Mitsubishi eK X EV-мен бәскеге түседі. BYD жапон жеріндегі субкомпакт көліктер сегментінің 40 %-ын жаулап алуды көздеп отыр.
Комментариев: 0