BYD аса қуатты седаны мен кроссоверін көрсетті

BYD концерні Dynasty топтамасындағы Han L седаны мен Tang L кроссоверін таныстырды. Бұлар қарапайым Han және Tang модельдерінен ұлғайған габариті, жаңа платформасы және өз мотор гаммасымен ерекшеленеді. Нақты бағасы әзірше белгісіз, бірақ бренд өкілдері құны 300 мың юаньнан (шамамен 22 млн теңге) жоғары болатынын атап өтті.

1 / 6

BYD аса қуатты седаны мен кроссоверін көрсетті

BYD Han L

1 / 6

BYD Han L-дың өлшемдері 5050×1960×1505 мм, дөңгелек базасы — 2970 мм. Tang L-дың габариті 5040×1996×1760 мм, дөңгелек базасы — 2950 мм. Екеуі де алдыңғы көліктерден біршама ірі, сонымен қатар қазір Loong Face деп аталатын Dynasty топтамасының дизайнерлік стилін көрсетеді.

1 / 6

BYD Tang L

1 / 6

Қос модельдің электрлі және гибрид нұсқалары болады. Артқы жетекті батареялы көлік 680 ат күшіне ие агрегатпен қозғалады, ал толық жетекті машинадағы моторлар 313 және 789 ат күшін береді. Бұл седанның алғашқы жүздікті 2.7 секундта алып, жылдамдығын сағатына 270 шақырымға жеткізуіне жағдай жасайды. Электрокарлардың жүріс қоры айтылмады. Алдын ала мәлімет бойынша седан мен кроссовердің батареясын 10-нан 80%-ға дейін небәрі 10 минутта толтыруға болады.

Гибридтер бесінші буындағы DM күштік құрылыммен жабдықталады. Оның құрамындағы 156 ат күшіне ие 1.5 литрлік іштен жанатын қозғалтқыш бір не екі мотормен (272 а.к.) толығады. Гибридтердің қарқыны қатты болмағанымен, ұзақ жүреді. 29.5 киловаттық батарея көмегімен седан электр күшімен — 145-170 км, ал кроссовер 135-165 шақырымды еңсереді.

Автомобильдердің интерьері бірдей, екі түсті былғарымен қапталады, 15.6 дюймдік медиажүйе экранын, екі қатарлы ортаңғы консоль алады. Жабдықтар тізімінде алдыңғы әйнекке түсетін проекция, тоңазытқыш және Dynaudio акустикасы бар. Компания Tang L-дың 7 орынды нұсқасын таныстырды, бірақ премиум модель екенін ескерсек, болашақта орын саны аз түрлері болатыны анық.

1 / 15