BYD 25 қыркүйекте New Energy Vehicle категориясына (гибрид, электромобиль) жататын тоғыз миллионыншы машина конвейерден түскенін хабарлады. Мерейтойлық модель атанған Yangwang U9 гиперкары 1305 ат күшіне ие күштік құрылыммен жүреді, жүріс қоры — 465 км, алғашқы жүздікті 2.36 секундта еңсереді. Мұндай электромобиль 1.7 млн юань (240 мың доллар) тұрады.
9 млн экологиялық таза көлік өндіру оңай емес, дегенмен марканың өндіріс қарқыны өте жоғары. BYD биыл шілдеде 8 миллионыншы New Energy Vehicle (NEV) машинасын жасаған. Осы өндіріс қарқыны сақталса, марка жыл аяғына дейін тағы бір керемет межеге қол жеткізуі мүмкін. Қытайлық автоөндіруші NEV санатындағы алғашқы миллион машинасын шығаруға 13 жыл уақыт (2008-ден 2021 жылға дейін) жұмсаған.
Салыстыру үшін айтсақ, Tesla былтыр 1.85 млн электрокар өндірді, оның 947 мыңы Қытайда жасалған. Ал осы уақытта BYD 3 миллионнан аса NEV машина шығарды. Бірақ оның 1.6 миллионы ғана таза электромобиль, қалғаны — гибрид.
Комментариев: 0