BYD Жапонияда Toyota-дан көп электромобиль сатты

Күншығыс елінде былтыр электромобиль нарығы құлдырады. Елде отандық және шетелдік маркалардың 59 736 электрокары өткен, бұл 2023 жылғыдан 33 % төмен көрсеткіш деп жазды Carnewschina. Нарықта батареялы модельдер үлесі 2 % азайды, бұл дамыған елдер арасындағы ең нашар нәтиже.

Ерекше назар аударатын жайт — қытайлық BYD Жапонияда 2223 электромобиль сатып, нарықта Toyota-ны басып озды. Жапон маркасының 2038 электрокары өткен. BYD саудасы бір жылда 54 % өсті, ал Toyota көрсеткіші 30 % төмендеді.

Қытай компаниясының Жапониядағы топтамасында үш модель бар: Atto 3, Dolphin және Seal. Ең арзаны — Dolphin, ол 3.6 млн иен (12.1 млн теңге) тұрады, Seal-дің ең қарапайым нұсқасын 5.3 млн иенге (17.7 млн теңге) алуға болады.

Nissan электромобиль нарығындағы көшбасшы орнын сақтап қалды, сатылған батареялы машинаның басым көбі Nissan зауытында шыққан. Бірақ Sakura кей-кары (22 926 да) мен Leaf хетчін (30 749) алатындар кемігені байқалды, Жапония автодилерлері қауымдастығы (JADA) екі модельдің саудасы сәйкесінше 38 және 44 % төмендегенін хабарлады.