Астанада бүгін қар жауып, боран болады және желдің жылдамдығы секундына 15-20 метрге жетеді деп күтілуде. 6-7 ақпан күндері түнгі мезгілде қатты аяз болады (37-39 градус). «Қазгидромет» орталығы дауыл болу қаупі 85-90 % екендігін хабарлады.
Ақмола облысында қар жауып, кей өңірлерде бұрқасын көтеріледі деп болжануда. Түнде және таңертең желдің екпіні 23-28 м/с-қа жетуі мүмкін.
5-6 ақпан күндері Жамбыл облысының кейбір жерлерінде оңтүстік-батыстан солтүстік-шығысқа қарай соғатын желдің 15-20 м/с болады, кей жерлерде жел екпіні 23-28 м/с-қа жетеді. 6 ақпан түнінде қалың қар жауып, боран соғады, кей жерлерде тұман түсіп, көктайғақ болады деп күтілуде. 6-7 ақпан күндері облыстың солтүстік-шығыс бөлігінде түнгі температура 20-25 градусқа дейін төмендеп, аяз болады.
5 ақпан күні күндізгі уақытта Түркістан облысының таулы жерлерінде қалың қар жауады деп күтілуде. 5-6 ақпан күндері кей жерлерде тұман түсіп, көктайғақ болады, қарлы бұрқасын соғып, солтүстік-шығыстан соққан желдің екпіні 15-20 м/с, ал таулы асуларда 23-28м/с-қа жетеді деп болжанып отыр. 6 ақпанның түнінде ауа температурасы 12-17 градусқа дейін төмендеп, кей жерлерде 22-27 градустық аяз болады.
Синоптиктер 6 ақпанда Алматы облысының кейбір аймақтарында қалың қар жауып, тұман түседі, көктайғақ болады және ұйтқып жел соғады деп болжап отыр. 6-7 ақпан күндері түнгі температура минус 10-15 градусқа, ал кей жерлерде 20-25 градустан 20-30 градусқа дейін төмендейді.
Қостанай облысында 6 ақпанның түнінде сынап бағанасы минус 33-38 градусты көрсетеді, ал кейбір жерлерде 43 градусқа дейін аяз болуы мүмкін.
Қызылорда облысында минус 18-23 градусқа дейін күн суытып, кей жерлерде 28-33 градустық аяз күтіледі.
6-7 ақпан күндері Солтүстік Қазақстан, Ақмола, Павлодар және Қарағанды облыстарында 37-42 градусқа дейінгі қатты аяз күтілуде, ал кей өңірлерде температура 45 градусқа дейін төмендейді.
6 ақпан күні Шығыс Қазақстан облысының кейбір аймақтарында қалың қар жауып, боран соғады деп күтілуде. Солтүстік-батыстан соққан желдің екпіні 30 м/с-қа жетуі мүмкін. 6-7 ақпан аралығында сынап бағанасы түнде 23-28 градустан 37-45 градусқа дейін төмендеп, қатты аяз болады.
Жүргізушілердің ауа райының күрт нашарлауын ескеріп, мүмкін болса елді мекендерден тысқары жерлерге сапар шекпегендері жөн. ҚР ІІМ ТЖБ қажет болған жағдайда облыс аралық және республикалық жолдармен қатынайтын жүк көліктері мен автобустардың қозғалысы шектелетінін айтты.
Десе де, аяздың беті тез қайтады. Келе жатқан демалыс күндері ауа райы жақсарады, бірақ барлық өңірлерде емес, елдің шығыс бөлігінде суық ауа райы көбірек сақталады.
Комментариев: 0