Bugatti Chiron гиперкарын жөндету қанша тұрады

Америкалық Стив Хэмилтонның YouTube-арнасында Bugatti Chiron иесі машинасын күтіп ұстауға қанша қаржы керек екенін айтты. Оның есебінше 10 жылғы әдеттегі техникалық қызмет көрсетуге 100 мың доллар дайындау керек. Күрделі жөндеу қажет болса шығын бұдан бірнеше есе көп болады.

Гиперкар сатып алған сәттен бастап Bugatti төрт жыл тегін техникалық қызмет көрсетеді. Осыдан кейін көлік иесі май, сүзгі және тежеуіш сұйықтығын ауыстыру сияқты техникалық қызмет көрсетуге жыл сайын 11.5 мың доллар төлейді.

Біз сөз етіп отырған Chiron-ның иесі бес жыл сайын жасалатын ауқымды техникалық тексерістен өтіпті. Мұндай қызмет құны 34 мың доллар, ол трансмиссия мен салқындатқыш сұйықтығын, оталдыру білтесін ауыстыру және т.б. қамтиды.

Үлкенірек бөлшектерді ауыстыру әдеттегі процедураға қарағанда қымбат. Мысалы, Chiron-ның тежеуіш дискісі 18 мың доллар тұрады, алдыңғы қалып — 6.7 мың доллар, бес жыл сайын шина ауыстыруға 8.45 мың доллар кетеді. Көлік кілтін жоғалтып алсаңыз, оны жаңарту үшін 13.5 мың долларға шығындаласыз.

Ескі гиперкар сатып алғысы келген азаматтар абай болғаны жөн, агрегаты бұзылса ең қалталы адамның өзі қиналып қалуы мүмкін. Робот беріліс қорабын ауыстыру 185 мың доллар тұрады, ал ең қымбаты — қозғалтқышы, Bugatti өзінің W16 моторын 856 406 доллар 98 центке бағалайды.

Былтыр күзде Bugatti жүрген гиперкар сату бағдарламасын іске қосты. Veyron мен Chiron-ды сатудан бұрын мұқият тексеріп, қажет болса жөндеп береді. Оның үстіне өндіруші мұндай машинаға қосымша кепілдік береді.

Bugatti-дің техникалық қызмет көрсету құнын көлік иелері қымбат деп санай ма? Әрине! АҚШ-та тұратын кәсіпкер Мэнни Хошбин де сондай ойда, ол Veyron-ын күтіп ұстауға екі жылда 100 мың доллар жұмсағанына наразы.