Bugatti алғашқы сериялы W16 Mistral моделін көрсетті

Bugatti саны шектеулі W16 Mistral гиперкарын 2022 жылы таныстырған, бірақ сериялы экземплярлары енді ғана дайын болды. Екі родстер АҚШ-тағы клиенттерге арналған. «Мистральдің» толық партиясы шыққан соң ірі W16 қозғалтқышының дәуірі аяқталады. Фирма гибрид жетекке ауысады.

1 / 8

• 
• 
• 
• 
• 
• 
• 
• 

1 / 8

W16 Mistral гиперродстері Chiron платформасына негізделген. Бірақ Mistral одан өзгеше шанағымен ерекшеленеді. Родстер Chiron-ның туындысы сияқты көрінгенімен, сырт пішінінде Bugatti-дің бұрынғы және қазіргі модельдеріне ұқсас белгі көп екені байқалады.

«Мистраль» барша Bugatti-ге ортақ төрт турбинасы бар 16 цилиндрлі 8 литрлік мотормен жүреді. 1600 ат күшіне ие (1600 Нм) мұндай агрегатпен родстердің жылдамдығы сағатына 420 км-ге жетеді.

1 / 8

• 
• 
• 
• 
• 
• 
• 
• 

1 / 8

Дайын болған екі гиперкар контраст әрленген. Біріншісінде қара түсті шанақ көк интерьер, мотор бөлігінің қақпағы және тежеуіш суппортымен үйлескен. Екінші машина АҚШ туының түсіне сай боялған, негізгі ақ фон қызыл және көк реңкпен ұштасады. Bugatti әдеттегідей гиперкар қанша тұратынын айтқан жоқ, бірақ W16 Mistral-дің бағасы 5 млн доллардан басталатыны белгілі.

Мұндай автомобильдің 99 данасы шығады, содан кейін W16 өндірісі тоқтайды. Tourbillon деп аталатын келесі Bugatti гиперкары цилиндр саны қазіргімен бірдей, бірақ V тәрізді және электромотормен бірге жұмыс істейтін қозғалтқыш алады. Жаңа күштік құрылым 1800 ат күшін береді.