Бразилияда Chevrolet Onix жаңарды

Дебютінен алты жыл өткен соң Onix алғаш рет жаңарды. Бұл әзірге тек Бразилияда седан және бес есікті хэтчбек ретінде шығатын нұсқаға қатысты. Базалық Onix хэтчбек болса, седан Onix Plus деп аталады.

1 / 6

• 
• 
• 
• 
• 
• 

1 / 6

Жаңарған Onix-тің алдыңғы бампері, радиатор торы және ауа өткізгіші басқаша. Фарасы жаңарып, қымбатырақ комплектацияға жарықдиодтар орнатылған, бұл жарық қуатын 61 пайызға арттырған. Қалған шанақ бөліктері сол күйінде қалған, тек хэтчбекте артқы диффузор айқын көзге түседі.

1 / 7

• 
• 
• 
• 
• 
• 
• 

1 / 7

Салонына 8 дюймдік цифрлы аспаптар панелі мен 11 дюймдік сенсорлы мультимедиа экраны тұр. Барлық Onix алты қауіпсіздік жастығы, Wi-Fi және кілтсіз ашу жүйесімен жабдықталған. Үздік комплектацияларда сымсыз қуаттағыш, автоматты климат-бақылау және тұраққа көмекшісі бар.

1 / 6

• 
• 
• 
• 
• 
• 

1 / 6

Компания ерекшеленуді қалайтындар үшін Onix RS дайындады. Ол қара түсті элементтермен, 16 дюймдік дискілермен және спойлермен ерекшеленеді. Chevrolet Бразилияда 100 жыл болғанына орай жақында одан да сәнді қара түсті Black-нұсқасын ұсынады, ол туралы толық ақпарат кейін пайда болады.

1 / 4

• 
• 
• 
• 

Onix RS

Onix RS

Onix RS

Onix RS

1 / 4

Бразилияда Onix атмосфералы және турбиналы 1 литрлік 3 цилиндрлі FlexFuel қозғалтқышымен шығады. Атмосфералы көлік бензинмен 80, этанолмен 82 ат күшін береді, ал турбинамен қуаты 116 және 121 ат күшіне жетеді. Агрегат 6 сатылы механика немесе диапазоны бірдей автоматпен жұптаса жұмыс істейді.

Хэтчбектің құны 102 990 реалдан (~9.66 млн теңге), седанның бағасы106 790 реалдан (~10 млн теңге) басталады. Уақыт өте келе Қазақстандағы Onix те осылай жаңаруы мүмкін. Қостанайдағы құрастыруға арналған машина жинақтары Өзбекстаннан келеді. Отандық седан Бразилиядағыдан арзан. Бағасы — 7-7.9 млн теңге аралығында.