Brabus жаңа 6 дөңгелекті G-Class жасады

2013 жылы үш осьті Mercedes-Benz G63 AMG 6×6 шыққалы бері 6 дөңгелекті «геликтің» әртүрлі нұсқасын әуесқойлар да (оның ішінде Қазақстанда), Brabus секілді атақты тюнинг-ательелер де жасап жүр. 2023 жылы компания сол кездегі 4 литрлік V8 моторы бар G63-ке негізделген Brabus XLP 800 6×6 Adventure-ді көрсетті.

Енді Brabus мамандары былтыр наурызда жарық көрген жаңа Mercedes-AMG G63-тің 6 дөңгелекті нұсқасын жасады.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Стандарт жол талғамайтын көліктің рамасы 153 см ұзарып, жаңа шанақ панельдерін алды, ішінде фирмалық карбоннан жасалған Widestar бастырығы да бар. G63 AMG 6×6 секілді бұл экземплярдың клиренсі — 47 см, бірақ түпнұсқа машинаға бүтін белдік орнатылса, Brabus XLP 800 6×6-ның аспасы екі көлденең иінтірекпен, KW тірегімен және борттық редуктормен жабдықталған.

1 / 9

• 
• 
• 
• 
• 
• 
• 
• 
• 

1 / 9

Қызыл-қара түсті интерьері жоғары сапалы былғарымен және карбонмен қапталған. Ателье салонын клиенттің қалауына сай жасап беруге дайын.

Автомобиль 4 литрлік V8-бен жүреді, оған жаңа турбина, газ шығару жүйесі және басқаша басқару бағдарламасы орнатылған. Нәтижесінде қуаты 800 ат күшіне (1000 Нм) жетті. Қозғалтқыш 9 сатылы автоматпен жұптаса жұмыс істейді. Пикап алғашқы жүздікті 5.8 секундта еңсереді, ең жоғары жылдамдығы — 210 км/сағ.

Алдын ала мәлімет бойынша 4.5 тонналық «геликтің» бағасы 1 161 000 еуродан (734.7 млн теңге) басталады. Бір қызығы, бұл сомаға CO₂ шығарындыларының өтеуіне 1500 ағаш егуді көздейтін Plant My Tree пакеті кіреді.