Шамамен бір апта бұрын Brabus ательесі жаңа жобасы туралы хабарлады. Тизерден автомобильдің әртүрлі деталі, 77 цифры (ателье 1977 жылы құрылған) және Bodo сөзі көрінеді. Бұл модельдің атауы сияқты.
Ателье Bodo-ны ресми таныстырған жоқ, бірақ Reddit ресурсында әлі толық аяқталмаған машинаның фотосуреті тарап кетті. Жазба тез арада өшіп қалса да, The Drive басылымы автомобильдің бірнеше суретін сақтап үлгерген.
Bodo 4 литрлік V8 және электромотормен (жалпы 816 ат күшіне ие) жүретін Mercedes-AMG SL63-ке негізделеді деген болжам бар. Шеберлер модельдің сырт пішінін ғана емес, күштік құрылымын да өзгерткен болуы мүмкін.
Комментариев: 0