Brabus Mercedes-AMG G 63-ке негізделген екі кабриолетін көрсетті

Brabus ательесі «гелендвагенді» төрт есікті кабриолетке айналдырды. Компания бұл технологияны көрмедегі екі модельге қолданды. Стандарт жол талғамайтын көліктің және ерекше XL нұсқасының шатыры ашылады. Екеуі 800 ат күшін беретін мотормен жабдықталған, жалпы тиражы 100 экземплярдан аспайды.

Brabus инженерлері мата шатырды ашатын механизм жасады, ол 500-ден астам бөлшектен тұрады. Шатырдың артқы әйнегінде жылытқыш бар және ол сервожетек көмегімен 20 секундта түседі. Жиналған төбені арнайы қаппен жабуға болады.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Brabus 800 жобасының өнімдері фирмалық Widestar бастырығын алды. Ол басқаша бампер, дөңгелек аркасын кеңейткіш және жаңа артқы есіктен тұрады. Стандарт түрленімнің аспасы тек реттелетін серіппе алса, Brabus XL 800-дің аспасы толық өзгерген.

Brabus XL 800 борттық редуктор, алюминийден жасалған жаңа иінтірек және KW компаниясымен бірлесіп жасаған бейімді амортизатор алды. Клиренсі — 479 мм. Тюнерлер автомобильдің жолсыз жермен жүре алатын қасиетін жақсарту үшін 22 дюймдік дискілер мен батпаққа арналған шиналар орнатты. Базалық модификация спорттық шинамен қапталған 24 дюймдік дискілермен жабдықталады.

1 / 26

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 26

Екі кабриолет жаңа үрлем жүйесі және бүйірінде орналасқан реттелетін газ шығару жүйесі бар фирмалық 4 литрлік V8-бен жүреді. Ол 800 ат күшін және 1000 Нм момент береді, бірақ екі машинаның динамикасы әртүрлі. Brabus 800 алғашқы жүздікті 4 секундта еңсереді, ен жоғары жылдамдығы — 240 км/сағ, XL-дың көрсеткіштері — 4.6 секунд және 210 км/сағ.

Дизайнерлер XL 800-дің салонын қызыл түспен әрледі, стандарт кабриолеттің интерьері крем түстес. Дегенмен ателье мамандары тапсырыс берген клиент автомобильдің салонын талғамына қарай өзгерте алатынын атап өтті. Әр нұсқаның тек 50 данасы жарық көреді. Бағасы әзірге белгісіз.