Brabus 1000 ат күшіне ие купе жасады

Былтыр наурызда компанияның негізін қалаушы Бодо Бушманның құрметіне Bodo деп аталған жаңа жобаның алғашқы суреттері тарады. Brabus ірі купені ресми түрде таныстырды.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Екі есікті автомобиль Mercedes-AMG GT-ді еске салады, бірақ ол Aston Martin Vanquish-ке негізделген. Оны интерьер архитектурасынан байқауға болады. Дизайнерлер оны аса өзгертпепті. Дегенмен экстерьері мүлде басқаша. Мамандар шанақ панельдерін көміртек талшықтан жасаған. Bodo фирмалық Monoblock Z-GT дискісімен, Continental SportContact 7 шинасымен жабдықталған.

1 / 11

• 
• 
• 
• 
• 
• 
• 
• 
• 
• 
• 

1 / 11

Көп шабақты дискілердің артында жаңа карбон-керамикалық тежеуіш тұр, бейімді аспасында клиренсін 25 мм шегінде өзгертуге болатын бірнеше жұмыс режимі бар.

Купе турбокомпрессорлы 5.2 литрлік V12-мен жүреді. Стандарт Aston Martin Vanquish-те мотор 835 ат күшін берсе, Bodo-ның қуаты 1000 ат күшіне (1200 Нм) жетеді. Айналу моменті артқы дөңгелектерге 8 сатылы автомат және үйкеліс күші жоғары дифференциал арқылы беріледі. Суперкар алғашқы жүздікті 3 секундта еңсереді, ең жоғары жылдамдығы — 360 км/сағ.

Bodo-ның небәрі 77 данасы жарық көреді. Brabus бұл цифрды бекер таңдамады, ателье 1977 жылы құрылған. Әр машинаның бағасы 1 миллион еуродан асады. Барлық партияны өндіру ұзаққа созылады. Компания клиенттеріне жыл сайын 15 көліктің кілтін тапсыруды жоспарлап отыр.