Бояу электромобиль мен гибридтің жүріс қорын арттыруы мүмкін

Mercedes-Benz инженерлері күн сәулесінің энергиясын токқа айналдыратын панель қызметін атқаратын ерекше жабын ойлап тапты. Бұл туралы Autoblog.com хабарлады.

Электр энергиясын беретін бұл бояу көліктің сыртын тұтас қаптайтындықтан, жиналған энергия машинаның бір бөлігінде тұратын қарапайым күн батареясы алған қуаттан әлдеқайда көп болады.

Әзірлеушілердің есептеуінше, күн сәулесі аз түсетін Еуропа климатында да бұл бояу электромобильдің бір тәулікте жүретін орташа жүріс қорының шамамен 60 %-ын толтыра алады. Штутгартта бұл көрсеткіш шамамен елу шақырымды құрайды. Мысалы, Калифорния немесе Техаста нәтиже әлдеқайда жоғары болуы мүмкін.

Компания мәліметінше, қазір күн сәулесінің 94 %-ын өткізетін арнайы бояуы бар фотовольтаика пастасының бір шаршы метрдегі салмағы 50 грамм, қалыңдығы 5 микрон болады. Барлық шанақ панелі энергияны батареяға жіберетін конвертерге қосылуы керек. Тиімділігі жағынан бұл технология қазірдің өзінде коммерциялық күн панелімен теңесіп, 20 %-ды құрап отыр.