BMW X5 кроссоверін тағы сервиске шақырады

Takata қауіпсіздік жастығына байланысты сервистік кампания автоөнеркәсіп тарихындағы ең ірі науқан болатын сияқты. BMW АҚШ-та 2000 жылдардың басында шыққан 5361 дана X5-ті сервиске шақырды. Бренд басқа елдерде жүрген ескі X5-тің қауіпсіздік жастығын ауыстыру қажет пе, жоқ па деген сұрақты да қарастырып жатыр.

Күдікті кроссоверлерге опция түрінде спорттық рөл орнатылған. Ал стандарт рөлді машиналар қауіпсіз эйрбегпен жабдықталған. Бірақ рөл құрылымында PSDI-4 деп аталатын газ генераторы бар.

Бұл газ генераторының компоненті ылғал мен температураның өзгеруіне байланысты тез тозуы мүмкін. Кейде бұл процесс қауіпсіздік жастығы ашылған кезде инфлятордың жарылып, салонға металл және пластик сынық шашырауына себеп болуы ықтимал.

Өндіруші сервиске шақырған автомобильдердің 1 %-ға жетпейтін бөлігінде ғана қауіпті эйрбег тұр, бірақ компания барлық машинаның қауіпсіздік жастығын ауыстырады. Сервистік кампания 1999 жылғы 19 ақпан мен 2000 жылғы 31 наурыз арасында шыққан X5-терді қамтиды.

Ақаулы Takata өнімінің кесірінен 67 миллионға жуық машина сервиске барды деген ақпарат тарады. Салдарынан ондаған адам қаза тауып, жүздеген адам жарақат алған.