BMW Speedtop — үш есікті универсал

BMW концерні жылда Италиядағы Комо көлінің маңында өтетін дизайн көрмесінде жаңа концептісін таныстырды. Speedtop үш есікті универсал түрінде жасалған. Жалпы, бұл жоба былтырғы Skytop-тан бастау алды. Ол кезде компания өндірісті бастау жөнінде ұзақ ойланып еді, осы жолы модельдің болашағына қатысты шешімін бірден жария етті.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Марка Speedtop-ты Бавария универсалдарының дизайнерлік квинтэссенциясы деп атады. 2024 жылғы жобамен туыстық байланысы барын таныс жарық техникасы, радиатор торы, капоты мен артқы аркасынан байқауға болады.

Speedtop үшін арнайы шатыр әзірлегенде мамандар дәл капоттағыдай таңба қолданған. Қатты үсті артқы бүйірлік әйнектерді жасауға мүмкіндік берді, бірақ олар жолаушыға арналмаған, өйткені концептіде артқы диван жоқ. Оның орнына сөмке қоятын жер бөліпті. Үш есікті көлікте екі қабаттан тұратын толыққанды жүксалғыш та бар. Одан бөлек, машина 14 шабақты дөңгелек дискісімен ерекшеленеді.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Автомобильдің салоны BMW ассортиментіндегі ең қымбат материалдармен қапталған. Архитектурасында өзгеріс жоқ, ішін 8-сериялы BMW-дан көшіріп алыпты.

Ресми хабарлама мәтініне сүйенсек, қозғалтқышын да дәл сол модельден алған. BMW универсалдың күштік құрылымы туралы нақты мәлімет бермеді, тек ең қуатты V8 моторын орнатамыз деп мәлімдеді. Болжам бойынша көлік M8 Competition-ның 625 ат күші мен 750 Нм момент беретін 4.4 литрлік агрегатымен жүруі мүмкін.

Концерн тауар түріндегі 70 Speedtop өндіреді, әлден тапсырыс қабылдап жатыр. Көліктің бағасы белгісіз, дегенмен 500 мың еуродан асатын сияқты.