BMW M3 универсалының қуатты CS нұсқасы болады

M3 седанынан кейін BMW универсалдың CS (Competition Sport) нұсқасын ұсынды. M3 Touring жеңілдеп, қуаты артқан. Енді бұл көлікпен жарыс трегіне де шығуға болады. Компания машинаны наурызда жеткізе бастайды. Германияда M3 CS Touring 152 900 еуро (82.3 млн теңге) тұрады, бұл қарапайым бес есікті M3-тен 45 мың еуро қымбат.

1 / 11

• 
• 
• 
• 
• 
• 
• 
• 
• 
• 
• 

1 / 11

Универсал седандағыдай қозғалтқышпен жүреді. Ол — қуаты 550 ат күшіне (650 Нм) тең 3 литрлік алты цилиндрлі жақсарған турбомотор. M3 Competition моделінен 20 ат күшіне артық, бірақ айналу моменті өзгермеді. Қозғалтқыш 8 сатылы автоматпен және белсенді артқы дифференциалы бар толық жетек жүйесімен жұптасады.

BMW M3 CS-тің динамикасы 0.1 секундқа ғана жақсарды, алғашқы жүздікті 3.5 секундта еңсереді, ал 200 км/сағ жылдамдыққа 11.7 секундта жетеді. Максимал жылдамдығы — 300 км/сағ. BMW жаңа өнімнің басты артықшылығы жылдамдық емес, жүрісінің жақсарғаны деп есептейді. M3 Touring-тің бейімді аспасы мен рөлі қайта калибрленген, тұрақтандыру жүйелері қайта бапталған, ал борттық электроникада арнайы жарыс режимі пайда болды. Универсал телеметрия жинағымен және көп режимді трекшн-бақылау жүйесімен жабдықталды.

1 / 5

• 
• 
• 
• 
• 

1 / 5

Шанағы қосымша қатайып, жеңілдеген, кейбір бөлшегі қатты пластиктен жасалды, осылайша автомобиль 15 кг салмақ тастады. M3 CS бірегей аэродинамикалық бастырық алды, ал қара шатыры шанағы боялатын төрт түспен әдемі үйлеседі. Салонында карбон каркасты орындықтар, алькантарамен қапталған M-рөл, көміртекті пластиктен жасалған қаптама және арнайы жапсырмалар пайда болды. Мультимедиа, екі аймақты климат-бақылау мен Harman Kardon аудиожүйесі күнделікті пайдаланғанда жайлылық сыйлайды.

Компания M3 CS Touring-тің өндіріс көлемі шектеулі болады деп мәлімдеді, бірақ нақты қанша көлік шығаратыны белгісіз.