АҚШ-та шанағы Е9 индексіндегі сирек кездесетін BMW CSL сатылымға шығарылды. 1974 жылы жарық көрген көлік жарыстық нұсқаны жетілдіру мақсатында шығарылған 57 данадан тұратын топтаманың бір бөлігі. Мұндай CSL үлгілерінің стандартты нұсқаларынан басты айырмашылығы — алдыңғы сплиттерден, арка қаптамалары мен үлкен спойлерден тұратын аэропакетте.
74 мың шақырымды еңсерген автокөліктің жағдайы тамаша, әрі толық қалпына келтірілген, десе де, ол толықтай түпнұсқалық күйде емес, себебі қақпағының астына жетілдірілген мотор орнатылған. Қатарлы алтылықтың көлемін мамандар 3-тен 3.2 литрге дейін ұлғайтты. Алайда күшінің қаншалықты артқаны айтылмайды. Агрегат 4 сатылы механикамен жұптаса жұмыс істейді.
Batmobilе-дің қаншаға сатылатыны белгісіз, бірақ қазіргі сәтте аукционда ұсынылған сома 120 мың доллар межесіне жетті.
Комментариев: 0