Кей елдерде маусым айында ЛГБТ қауымдастығын қолдау мақсатында түрлі шаралар өтеді. Бұл кезде түрлі науқандар жүргізіліп, компаниялар әлеуметтік желідегі логотиптерін өзгертеді. Автокөлік саласы да бұдан шет қалмады. Маусым аяқталуға таяғанда BMW Facebook-тегі парақшасының логотипін ауыстырды.
Компания «Біз алуан түрліміз. Біз ешкім қудаланбайтын ашық қоғамға сенеміз. Ешбір адам шыққан тегі, нәсілі, діні, жынысы, жасы немесе мүмкіндігіне қарап алаланбауы тиіс. Біз көлік жүргізуден ләззат алу үшін біріккен жандармыз. Біздің компания мен әлеуметтік желідегі парақшаларда өшпенділік пен құрметсіздікке жол берілмейді. Осылайша, біз барлығын өзгені құрметтей отырып, пікір білдіруге шақырамыз», — деп жазған.
Жаңа аватар шілденің басына дейін тұратын шығар, бірақ бавариялықтардың бұл әрекеті қолданушылар тарапынан әртүрлі қабылданды. Жазбаға пікір білдірген 171 мың қолданушының 74 мыңы лүпіл басса, 66 мыңы ашуын жасырмаған. Ызаланған кейбір адамдар тіпті BMW маркалы темір тұлпарынан құтылмақ ниетте екенін жазыпты.
Комментариев: 0