Бензинді моторы бар Haval Raptor Қытай нарығына шықты

Haval Қытайда Raptor-дың жаңарған нұсқасын сата бастады. Бұған дейін модель тек гибрид еді, енді 2 литрлік дәстүрлі қозғалтқышпен алуға болады. Базалық комплектацияның бағасы — 156 900 юань (11.1 млн теңге), бұл гибридтен 9 мың юань (640 мың теңге) арзан.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Raptor-дың бензинді төрт цилиндрлі қозғалтқышы 238 ат күшін (385 Нм) береді. Агрегат 9 сатылы роботпен жұптаса жұмыс істейді. Толық жетекті көлікте тоғыз жүріс режимі болады. Кроссовер алғашқы жүздікті 8.1 секундта еңсереді. Аралас циклде 100 км-ге 8.65 литр отын тұтынады.

Автомобиль артына бекітілетін қосалқы дөңгелекпен немесе оның орнына шағын жәшікпен жабдықталуы мүмкін. Осыған байланысты ұзындығы 4800 мм немесе 4680 мм болады, дөңгелек базасы — 2738 мм. Raptor-дың ең төмен клиренсі — 223 мм, ал кіру және шығу бұрышы — 25 және 32 градус. Көлік 580 мм таяз суды кешіп өте алады.

Жаңа Raptor-дың жаңа қозғалтқыштан бөлек сырт пішіні өзгереді. Мысалы, тік ламелі бар радиатор торы пайда болды. Haval дизайнерлерінің айтуынша бұл өрнек дәстүрлі Қытай сәулетіне сілтейді. Бас жарық техникасы енді тікбұрышты, артқы шамдар 300 диодтан тұрады. Ортаңғы консольге үлкен селектордың орнына айналмалы реттегіш орнатылып, рөлі жаңарған.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Жабдықтар тізіміне Great Wall компаниясының Coffee OS операциялық жүйесімен жұмыс істейтін 12.3 және 14.6 дюймдік дисплейлері бар медиажүйе, 10 динамик және екінші деңгейлі жүргізуші ассистенті кешені кіреді.

Ең қымбат кроссовердің бағасы — 166 900 юань (11.9 млн теңге), өйткені ол әзірге тек екі комплектацияда қолжетімді. Гибрид Raptor-дың түрленімі көп, сондықтан ең үздік нұсқасы айтарлықтай қымбат (192 800 юань немесе 13.7 млн теңге) тұрады.