Бензин мен дизельден түскен пайда бюджетке қосылады

Министрлік бензин мен дизельге салынатын акциз мөлшерлемесін бекіту туралы үкімет қаулысына толықтыру енгізу жобасын дайындады. Құжатта мемлекет жанар-жағармайдың бағасын реттеуден бас тартқан жағдайда өндірушілер мен сатушылардан алынатын қосымша пайданың 80 %-ын бюджетке бағыттау үшін бензин мен дизель өнімдеріне қосымша акциз енгізу туралы жазылған. Жаңа алым отын құны қазіргі деңгейден жоғары болса ғана төленеді.

Жанармай станцияларда 10 теңгеге қымбаттаса, оның 8 теңгесі мемлекетке, ал 2 теңгесі сатушылардың қалтасына түседі.

Биыл 30 қаңтардан бастап билік сұйық отын бағасын еркін айналымға жіберді. Шенеуніктер жанармай бекеттерінде баға біртіндеп өседі және күрт қымбаттамайды деп уәде берді.