Бренд робот-шаңсорғыш сияқты тұрмыстық гаджеттерімен танымал. Компания басшылары Xiaomi сияқты автоөндірушіге айнала алатынына сенімді. Марка Bugatti Chiron-ды басып озатын флагман гиперкарын тынстырды. Қытай баспасөздері жазғандай, Dreame топтаманы кеңейтпекші. Ол әртүрлі өлшемдегі кроссоверлер шығарып, ішкі нарықта Lixiang-ды ығыстыруды көздейді.
Dreame басшысы Ю Хао Қытайдағы баспасөздерге берген сұхбатында бір емес, екі автомобиль брендін жасап жатқанын айтты. Флагмандар Dreame ретінде сатылса, көптеп өндіретін көліктері Starry атауын алады. Олар дөңгелек базасы 3.2–3.3 метрлік жаңа платформаға негізделеді, дизайны мен әрлеу материалдары жағынан Еуропадағы Bentley және Rolls-Royce модельдерімен теңеседі.
Ең қымбат Starry-дің бастапқы бағасы 600 мың юань (шамамен 45 млн теңге) болады деген болжам бар. Ю Хао жаңа өнімдердің басты бәсекелесі Lixiang кроссоверлері болады деді, бірақ Starry барлық параметр бойынша олардан басым түседі. Бағаны бәсекеге қабілетті деңгейде ұстап тұру үшін Dreame модульдік платформаны оңтайландыруды көздеп отыр.
Гиперкар Chiron-ға ұқсайтынына қарамастан, суреттен оның салоны екі қатарлы екенін көре аламыз. Есік құрылымы ерекше, бірақ ол сериялық машинаға жете ме, жетпей ме, әзірге белгісіз. Модель электрлі және тізбекті гибрид күштік құрылыммен жабдықталады. Прототиптің премьерасы биыл қыста АҚШ-тағы CES көрмесінде өтеді. Dreame гиперкарын 2027 жылы сата бастайды.
Компания инженерлер тобын құрып, оған озық электроника саласындағы өз мамандарын да, дәстүрлі автоөндірушілерден келген қызметкерлерді де қосып жатыр. Dreame бірқатар моделін Еуропада құрастырмақшы, осы мақсатта Берлин маңынан алаң іздеп жатыр. Жобаны қаржыландыруға Еуропадағы ірі банктер келісім берді деген сыбыс шықты.
Комментариев: 0