Батареялы Li Auto i9 сынақтан өтіп жатыр

AutoHome басылымы камуфляжбен қапталған Lixiang электрокроссоверінің сынақ кезіндегі суреттерін жариялады. Ол i9 индексін алып, өлшемі жағынан өз еліндегі ең үлкен электрлі көліктердің біріне айналуы мүмкін. Алдын ала мәлімет бойынша Li Auto i9 2025 жылдың аяғында жарық көреді.

Қалың камуфляжға қарамастан, i9 сырттай i8 кроссовері мен Mega минивэні секілді әрленгенін көруге болады. Шанақ пішіні, алдыңғы бөлігі және жарық техникасы соларға ұқсайды.

Компания шатырдағы лидарды жасыра алмағанмен, көліктің артқы бөлігін мұқият бүркеген. Олар артқы тіректің жаңа дизайнын құпия сақтағысы келген болар. i9-дың тірегі басқа модельдерге қарағанда тік, ол артқы жолаушылардың төбесіндегі кеңістікті және жүксалғыш көлемін арттыру үшін жасалған сияқты.

Автомобиль i8-ден ірі болатыны анық, оның ұзындығы — 5085 мм. i9-дың ұзындығы 5.3 метрге жуықтайды. Қытайдағы баспасөз жаңа өнім i8-дің күштік құрылымын алады деп жазды. Ол 544 ат күшін беретін екі электромотордан тұрады. Батарея сыйымдылығы 100 кВт⋅сағ-тан асуы ықтимал.

Lixiang жақында электрокроссовер сегментіне ықшам i6-ны қосады, оның саудасы қыркүйекте басталады. Li Auto-ның ең арзан моделі болатын ол бір немесе екі қозғалтқышпен және батареямен жабдықталады. Жүріс қоры 720 шақырымға жетеді.