Енді eGov.kz сайтында жүргізуші куәлігін онлайн режимінде қайта рәсімдеу барысында пайдаланушы, алдында төлем жасалған екінші деңгейлі банктің чегіндегі деректерді енгізе алатынын «Национальные информационные технологии» АҚ-ның баспасөз қызметі хабарлады.
Ол үшін банкте баж салығын төлеу қажет болады. Содан кейін, eGov.kz сайтында өтінімді толтыру барысында, төлем жасайтын сәтте «Бұрында төленген» дегенге белгі қойып, чектегі деректерді (банктің БСК-ын,ТТК мен төлем сомасын) іздеуге арналған жолаққа енгізу қажет. Әрі қарай табылған чекті таңдап, өтінімге электронды-цифрлы қолтаңбамен қол қою керек. Жүргізуші куәлігін алуға берілген сұраныс 60 минут ішінде қарастырылады. Қызмет нәтижесі пайдаланушының жеке кабинетіне хат ретінде келеді.
Бұрында осы қызметті онлайн режимінде алу барысында куәлікті қайта рәсімдеу үшін төлемді тек өтінім беру кезінде жасау қажет болатын.
Естеріңізге сала кетейік, жүргізуші куәлігін онлайн режимде ауыстыру мүмкіндігі 2018 жылдың наурыз айында пайда болған еді. Бұл қызметке қол жеткізу үшін eGov.kz порталында өтінім толтырып, оған ЭЦҚ арқылы қол қою керек. Өтінімге фотосурет пен қойылған қолдың сканерден өткен суреті тіркеледі. Әрі қарай дайын хабарлама мен төленген чек басып шығарылады да, дайын жүргізуші куәлігін алу үшін тұрғылықты мекенжай бойынша мамандандырылған ХҚКО-на өткізіледі.
Комментариев: 0