Бүгінгі таңда елдегі бензиннің артық мөлшері 350 мың тоннаны құрап отыр. Бұл жәйт Шымкенттік мұнай өңдейтін зауыттың толық қарқын алмағанының өзінде орын алуда.
Энергетика министрі Қанат Бозымбаев ОКҚ-нің брифингінде «Қазан және қараша айларында жанар-жағармай материалдарын экспортқа шығарудың маңызы аса зор, әйтпесе Қазақстанда бұрын-сонды болмаған кідіріс (зауыттардағы арнайы қондырғылар.— Kolesa.kz ескертпесі) жасауға тура келеді. Қазіргі таңда модернизацияланған зауыттардың тіпті екеуі бізге бензин профицитін беріп отыр. (…) Ал егер бұл 500 мың тонна болса, онда елде толықтай тауарбастылық орын алады», — деп мәлімдеді.
Оның айтуынша, бензиннің артылуы қазақстандық жанармай құю бекеттерінде бағаның шамамен 10 теңгеге арзандауына әкеп соққан. Дәл қазіргі сәтте шенділер жанар-жағармайды Ресейге, Қырғызстанға, Өзбекстанға және Тәжікстанға өткізу туралы келісімге қол қоюда. Бұл ретте, Қазақстан келісімде көрсетілген мөлшерден артық бензин сатпайды, және ішкі нарық қашан да басымдылыққа ие болады.
Естеріңізге сала кетейік, ағымдағы жылдың тамыз айының соңында Қазақстан Ресейден жеткізілетін 92 және 98-бензиндерді жеткізуге үш айлық тыйым салған болатын. Оның себебін ҚР Энергетика министрлігі отандық мұнай базаларындағы отынның аса молдығымен түсіндірген еді.
- Жанармай Қазақстанда 2017 жылдың қыркүйегінен бастап күрт қымбаттай бастады. Бензин мен солярканың жеткіліксіздігі елдің барлық өңірлерінде сезілген болатын.
- 2018 жылдың ақпан айында елбасы төртінші мұнай өңдейтін зауыттың құрылысын жылдамдатуды талап етті.
- Наурыз айында Энергетика министрлігі алдағы екі жылда елде жанар-жағармайға қатысты мәселе туындамайды деп мәлімдеген, ал содан кейін жанармай құю бекеттеріндегі талон бойынша кезектер қайта басталмақ.
Комментариев: 0