АҚШ-та ерекше Toyota RAV4 кроссовері аукционға шықты. 2000 жылғы автомобиль небәрі 5869 шақырым жүрген. RAV4 J бұл елде сирек кездесетініне және өте аз жүргеніне қарамастан, сауда аяқталуына төрт күн қалғанда бар болғаны 5 мың долларға (2.6 млн теңге) бағаланды.
Екінші буындағы Toyota RAV4 АҚШ-та ресми түрде сатылды. Аукционшылар бұл модель Солтүстік Америкаға арналмаған дейді. Оның рөлі оң жақта және зауыт орнатқан ерекше аэродинамикалық бастырығы бар. Бұл машинада 16 дюймдік дөңгелектер, электрлі люк пен навигациялық жүйе бар.
Кроссовер 127 ат күшіне ие (179 Нм) 2 литрлік мотормен жүреді. Агрегат механикалық қораппен және толық жетек жүйесімен жұптаса жұмыс істейді.
Сатушы бұны осы буындағы ең аз жүрген RAV4 дейді. Бірақ машинаның жағдайы мінсіз емес. Есік қаптамаларында сызат, астыңғы бөлігінде коррозия бар. Көлік апатқа ұшырағандықтан қанаты ауысып, капоты боялған. Осыған байланысты көп адам қызықпаған сияқты.
Комментариев: 0