Волгалық автозауыттың ұжымында алаяқ бары анықталды. Ол кемі 11 адамды сан соқтырған. Эдуард М деген азамат адамдарға кәсіпорын гаражында тұрған есептен шығарылған жеңіл көліктерді алуға көмектесетінін айтып алдаған.
«Волжский автостроитель» басылымы жазғандай, АВТОВАЗдың корпоративтік машиналарының техникалық жағдайы жақсы әрі арзан бағада сатылады, сондықтан оған көзі түсетіндер көп. Аңғал клиенттер машинаны брондау үшін алаяқтың картасына ақша аударған. Нәтижесінде зауыт қызметкері жарты жыл ішінде 972 мың рубль жинаған..
Аңқау елдің ақшасын қалтасына басып, байлыққа кенелмек болған қылмыскердің арам пиғылы әшкере болды. Ол енді төрт жылын түрмеде өткізеді.
Комментариев: 0