АВТОВАЗ Тольяттиге іссапармен барған Владимир Путинге бірнеше жаңа өнімін ұсынды. Олар кроссовер мен бір минивэн. Әрқайсысы Lada Vesta платформасына негізделген, бірақ Lada B+ Cross деп аталатын модель ғана өндіріске шығатыны анық.
Ресми суреттерден Lada B+ Cross компанияның жаңарған фирмалық X стилінде жасалғанын көруге болады. Мысалы, бүйіріндегі қатпарлар сақталғанымен, автомобиль динамикалық сұлба алған. B+ Cross иілген әйнек сызығымен және түсіңкі артқы тірегімен ерекшеленеді. Кроссовер спойлер және шатырындағы жүзбеқанатпен жабдықталды.
Жарық техникасында жанатын жолақпен біріккен Y тәрізді шамдар көзге түседі. Бұл дизайн үшінші буындағы Renault Duster-дің оптикасына ұқсайды.
Сериялық экземпляр Lada Vesta-ның күшейген және үлкейген платформасында жасалады. Ұзындығы шамамен 4.6 метр болатыны белгілі. Машина Lada-ның 90 ат күші бар 8 клапанды моторымен жүруі әбден мүмкін. Ол 1.8 литрлік қозғалтқыштың әртүрлі нұсқасын алады. Ресми премьера биыл жазда Санкт-Петербургтегі халықаралық форум аясында өтеді.
Басқа жаңа автомобильдер әзірге макет ретінде дайын. Үш қатарлы вэн қазіргі Lada Largus-тен сәл үлкен, және АВТОВАЗ оны 2026-2027 жылдары шығаруды жоспарлап отыр. T-134 индексті ерекше кроссовер — жаңа буындағы Niva жобасының қайта жасалған нұсқасы. Бренд оны 2020 жылдардың басында Renault-мен бірге әзірлеген. Жол талғамайтын көлік заманға бейімделіп, Vesta платформасына негізделген. Модельдің жаппай өндірісі бастала ма, жоқ па, белгісіз. Кейбір мәлімет бойынша Тольяттидегі зауыт әлі іске кіріспеген.
Компания мемлекет басшысына биыл көктемде конвейерге тұратын Lada Iskra-ны да көрсетті. Ресми материалдарда тек седан бар, бірақ Iskra-ның универсал және кросс-нұсқасы да жарық көреді. Жақында бес есікті көліктің камуфляжсыз алғашқы суреті әлеуметтік желіде пайда болды. Машина Тольятти жолдарында тыңшылардың көзіне түскен.
Комментариев: 0