Changan мен Huawei құрған Avatr бренді топтамасындағы алғашқы седанның суреттері шықты. Суреттен ерекше камуфляжбен қапталған төрт есікті прототипті көруге болады. Қытайдағы БАҚ мәліметінше, Avatr 08 деген атау алатын автомобиль гибрид немесе толық электрокар ретінде жарық көреді.
Камуфляжға қарамастан, Avatr E16-ның төбе сызығы артқы бөлігіне бірқалыпты түсетін пішінін байқауға болады. Кейбір суретте Avatr 07-дегідей күндізгі жүріс шамы және шатырындағы лидар көрінеді. Бүйірлік айна орнына бейнекамера орнатылған, мұндай жабдықтар ең қымбат комплектацияда қолжетімді болады.
Седандар сынақ кезінде асфальттан тыс жерде көзге түсті. Компания жаңа модельді кішігірім жолсыз жерді еңсере алатын машина ретінде ұсынуы мүмкін.
Алдын ала мәлімет бойынша көлік брендтің басқа модельдері сияқты бір платформаға негізделген. Ол Avatr 07-нің күштік құрылымын алуы мүмкін. Электрлі нұсқасы бір немесе екі мотормен (256 а.к. және 343 а.к.) жабдықталады, жүрсі қоры 650 шақырымға жетеді. Гибридтің артқы осінде 314 ат күшіне ие қозғалтқыш, алдыңғы жетегінде 178 ат күшін беретін агрегат орналасады, жүріс қоры 1.1 мың км-ге жетеді.
Қазір Avatr 07 Қытайда 219 900-289 900 юань (15.5-20.5 млн теңге) тұрады. Бір платформаға негізделген седан арзан болады.
Комментариев: 0