Avatr мен Deepal-ды Қазақстанға Astana Motors әкеле ме?

Astana Motors ұсынатын автомобиль брендтерінің қатарына биыл Changan-ға тиесілі Avatr мен Deepal қосылады. «Китайские автомобили» хабарлағандай, автоөндірушінің елдегі дистрибуциясының басшысы Денис Коломацкий Business FM эфирінде солай депті.

Оның сөзінше компания шешім қабылдап қойған, қазір қос суббрендті нарыққа шығару үшін дайындық жүргізіп жатыр. Жаңа көліктер салондарға осы күзде келуге тиіс.

Avatr Қазақстанда сатылып жатқанын атап өткен жөн. Марка былтыр қыркүйекте Avatr 11 кроссоверін саудалай бастаған. Бірақ ресми дистрибьюторы Flying Auto компаниясы болды. Ол Deepal мен Nevo-ны да клиенттерге ұсынуға ниеттіміз деп мәлімдеген. Демек, мұнда екі жеткізуші қатар жұмыс істейді не бұл міндет әлдеқайда ірі фирмаға жүктеледі.