Audi рамалы жол талғамайтын көлік шығарады

Mercedes-Benz G-Class-тың даңқы мен мәртебесі BMW мен Audi-ді бейжай қалдырмаған сияқты. Бұған дейін инсайдерлер BMW бәсекелес дайындап жатқанын хабарлаған, енді ол қатарға Audi қосылды.

Марка осындай модель жасауға ынталы екенін 2023 жылы мәлім етті. Сол кезде брендтің бас дизайнері Марк Лихте люкс жол талғамайтын көлік нарығында G-Class пен Defender-ді ығыстырғысы келетінін айтқан. Содан бері бұл жоба жайлы ешбір ақпарат шықпаған еді, жақында компанияның атқарушы директоры Гернот Дёлльнерден Autocar журналистері осы идея туралы сұрады. Топ-менеджер идея ұмыт болған жоқ, біраз уақытта жүзеге асады деді.

1 / 9

Scout Traveler

1 / 9

Audi жол талғамайтын көлігі жарық көрсе, Scout маркасының платформасына негізделуі мүмкін. Volkswagen AG концернінің құрамына кіретін бұл брендтің 800 вольтты электрлі архитектураға негізделген 4.85 метрлік рамалы Traveler моделі бар. Оны дәстүрлі мотормен жабдықтап, гибридке айналдыруға болады.

1 / 9

Scout Traveler

1 / 9

Scout бұған дейін Traveler прототипін таныстырған, тіпті оған тапсырыс қабылдап жатыр. Бірақ машина Terra пикабымен бірге 2027 жылдың аяғында жарық көреді, техникалық сипаттамасын сол кезде білеміз.

Комментариев: 0