Audi Қытайға арналған AUDI кроссоверін таныстырды

Гуанчжоу автосалонында Audi жаңа кроссоверін көрсетті. Ол Қытайға арналған AUDI брендінің екінші моделі. Жаңа өнім сөз жүзінде концепт күйінде тұрғанымен, іс жүзінде сериялық нұсқаға өте жақын. 2026 жылы E SUV нарыққа шығып, Қытайдағы AUDI топтамасы екі есе кеңейеді.

Шоукар біршама үлкен. Өлшемі — 5057×2042×1786 мм, дөңгелек базасы — 3060 мм. Демек ол E5 Sportback лифтбэгінен 180 мм ұзын, ось арасындағы қашықтық 100 мм үлкен. Оның үстіне, біршама биік болады. Бірақ E SUV-дің сырт пішіні бес есікті модельге ұқсас стильде жасалған. Модельдің жарық техникасы да лифтбэкті еске салады.

1 / 5

• 
• 
• 
• 
• 

1 / 5

Ресми дерекке сүйенсек, E SUV-дің екі моторы 680 ат күшін береді, соның арқасында машина 5 секундта жүзге дейін жылдамдық алады. Жаңа өнім 109 кВт⋅сағ батареямен жабдықталған, жүріс қоры — 700 км. Қуатты станцияда 10 минутта 320 км-ге жететін энергия қорын толтыруға болады. Ал шағын әрі жеңіл E5 Sportback моделінің көрсеткіші — 100 кВт⋅сағ және 770 км.

Концептінің жабдықтар тізімінде Қытайдағы жол жағдайына сай жасалған AUDI 360 Driving Assist электрондық көмекшілер кешені бар. Кроссовердің интерьері қандай болатыны қазірше белгісіз.

E SUV-дің сериялық нұсқасы Қытайда сынақтан өтіп жатыр. Алдағы уақытта суббренд топтамасы толығуы мүмкін, өйткені алғашқы моделі жақсы сатылып жатыр. Қыркүйектің ортасында E5 Sportback лифтбэгіне тапсырыс қабылдау басталған соң жарты сағатта 10 мыңнан аса өтінім түскен.