Audi Қытайда жаңа электрокарын сата бастады

Audi мен SAIC альянсы нарыққа AUDI брендімен шығатын электромобильдің бағасын жариялады. Осы өнім үшін компания төрт сақиналы эмблемасынан бас тартты. AUDI E5 Sportback бір не екі мотормен жабдықталады. Құны 235 900 юаньнан (17.7 млн) басталып, 319 900-ге (24 млн теңге) дейін барады.

Қытай халқы үшін арнайы жасалған көлік болашақ топтама да жергілікті тұрғындардың талғамына сай болатынын білдіреді. Серіктестер мұндай электрокар неміс инженерлік дәстүрі мен қытай инновациялық технологияларын үйлестіреді деп мәлімдеді.

1 / 4

• 
• 
• 
• 

1 / 4

Сол себепті AUDI-дің алғашқы сериялық моделі аспан асты еліндегі басқа Audi-лермен сырттай еш байланысы жоқ бірегей дизайнымен көз тартады. Пішіні хетчбэкке де, универсалға да келетін E5 Sportback біршама ірі (4881×1960×1479 мм). Дөңгелек базасы — 2950 мм. Ол A6 Avant-тан сәл кіші, бірақ ось арасы әлдеқайда алшақ.

Модель бренд SAIC-мен бірігіп жасаған, толықтай қытай компоненттерінен құралған платформаға негізделеді. Базалық нұсқасына 299 ат күшіне ие мотор мен 76 киловатт батарея орнатады, жүріс қоры 618 шақырымға жетеді. Одан кейінгісі 408 ат күшін беретін қозғалтқыш және 100 кВт⋅сағ батареямен жабдықталады, жүріс қоры — 773 км.

Қос моторлы көліктер анағұрлым қуатты. Бірінші түрленімнің агрегаты 525 ат күшіне ие, 83 кВт⋅сағ батареямен 623 шақырым қозғалады. Флагмандағы қозғалтқыштың бойында 787 аттың күші бар, ол 647 км-ді еркін еңсеруге мүмкіндік беретін 100 кВт⋅сағ аккумулятор алады. Бес есікті машина алғашқы жүздікті небәрі 3.4 секундта алады.

1 / 5

• 
• 
• 
• 
• 

1 / 5

AUDI E5 Sportback-тің жабдықтар тізіміне 27 сезгегі, Nvidia ұсынған Orin X чипі және Momenta софты бар көмекшілер кешені кіреді. Салонына 59 дюймдік ірі дисплей қояды, медиажүйе Snapdragon 8295 модуліне негізделген. Компания TikTok желісіне иелік ететін ByteDance фирмасы әзірлеген жасанды интеллектісі бар даыбыстық ассистент орнатамыз деп уәде етті.

Модельді жеткізу процесі қыркүйекте басталады. Бес есікті көліктің негізгі бәсекелестері қатарында Zeekr 007 GT, Nio ET5T және Stelato S9T бар.