Audi компаниясы Q6 Sportback e-tron кроссоверіне негізделген экстремал жол талғамайтын электрокарын көрсетті. Жаңа өнім биік клиренсі, жаңа бастырығы және жарық техникасымен ерекшеленеді. Марка жол талғамайтын көлікті не үшін жасағаны беймәлім. Бірақ кейбір америкалық БАҚ машина Allroad топтамасындағы батареялы модельдерге жол ашады деп болжап отыр.
Концептінің техникалық сипаттамасы аталмады, бірақ фотосуреттен Venom Tires Terra Hunters шинасымен қапталған үлкен дөңгелек дискісімен жүретінін көруге болады. Сондай-ақ электромобиль борттық редуктормен жабдықталады деген ақпарат бар.
Мамандар Audi Q6 Sportback e-tron-ды шанақ геометриясын жақсарту үшін ірі арка кеңейткіш және жаңа бампермен жабдықтаған. Алдыңғы жағында сүйреуге арналған қосымша құрал мен жарықдиодты шамдар жинағы бар, төбедегі экспедицияға арналған жүксалғышта қосымша жарық техникасы орналасқан.
Audi былтыр қазанда Q6 e-tron-ның купе тәрізді нұсқасын көрсетті. Марка оны бірнеше түрлі күштік құрылыммен ұсынған, дегенмен жол талғамайтын концепт модельдің ең қуатты түрленімі болуы мүмкін. Машина 489 ат күшіне ие екі электромотор және жүріс қоры 656 шақырымға жететін 83 киловатт батареямен жүреді.
Комментариев: 0