Audi Q5 пен A6-ға арналған жаңа дизельді моторын таныстырды

Компания Q5 пен A6-ның мотор гаммасын жаңа дизельді V6-мен кеңейтті. Марка жұмсақ гибрид технологиясы мен электрлі турбокомпрессор жұптасқан агрегатты сериялық көлікке бірінші рет орнатады.

Бренд қозғалтқыштың қуаты артып, отын тұтыну және зиянды заттар шығару мөлшері азайған дейді.

1 / 4

• 
• 
• 
• 

1 / 4

Стартер-генератор көмегімен қуаты 24 ат күшіне (230 Нм) артады. Audi автомобильдері тұрақта немесе қалада баяу қозғалғанда электр қуатын пайдалана алады. Ол тежелген кезде энергия жинайды және агрегатты іске қосуға көмектеседі.

Электрлі компрессор мотордың төмен айналымында тартым күшін арттырады. Ол негізгі турбина толық іске қосылғанға дейін ауа береді. Компанияның есебінше бұл схемада мотор акселератор педаліне жылдам жауап береді, көлік алғашқы 2.5 секундта ұзақ қашықтық еңсереді.

1 / 4

• 
• 
• 
• 

1 / 4

Audi бұған дейін электрлі жетекті компрессор қолданған, бірақ қазіргі дизельде технологияны жақсартты. Құрылғы қозғалтқыштың барлық айналым диапазонында жұмыс істейді, бұл мотордың газ педаліне жылдам жауап беруіне және үрлем қысымының тез өсуіне көмектеседі. Компрессор минутына 90 мың айналым жасайды.

3 литрлік дизельді V6 299 ат күшін және 580 Нм момент береді, модельге қарай 100 шақырымға 5.3-6.8 литр отын тұтынады. Осы агрегатты алған жаңа Audi көліктерінің динамикалық сипаттамасы мен саудаға шығатын мерзімі әзірге белгісіз.