Audi A6 Allroad жақында жолға шығады

Былтыр жарық көрген жаңа A6 Avant универсалының жолсыз жерде жүретін Allroad нұсқасы шығады. Желіде тараған сертификат құжатынан бесінші буындағы A6 Allroad бұрыннан белгілі үлгі бойынша жасалатыны байқалады деп жазды Drive басылымы.

Автомобиль биік клиренс, пластик бастырық, алдыңғы және артқы қорғаныш пластинасы және төбедегі рейлингпен ерекшеленеді. Салон жабдықтары A6 топтамасындағы өзге модельдерді еске салады. Онда үш экраннан тұратын цифрлық панель, проекциялық дисплей, 20 динамикті Bang & Olufsen аудиожүйесі және төрт аймақты климат-бақылау бар.

Дереккөз таратқан ақпаратқа сүйенсек, модельдің DVKC және DYVA кодтық атауы тиісінше дизельді және қосылатын гибрид түрленімін білдіреді. Үш литрлік V6 TDI қозғалтқышын (295 а.к.) бренд бұрын әдеттегі Audi A6 Avant-қа қойған. Ал 2.0 TSI, электромотор және 20.7 кВт·сағ батареядан тұратын PHEV құрылымның қуаты 362 ат күшіне жетеді. Мұндай машина электр қуатымен 100 км жүре алады. Екі түрленім де жеті сатылы автомат қорап және фирмалық quattro толық жетек жүйесімен жұмыс істейді.

1 / 7

• 
• 
• 
• 
• 
• 
• 

1 / 7

Жаңа Audi A6 Allroad кросс-универсалының тұсаукесері биыл күзде өтеді, Еуропада келер жылы саудаланады. Volvo V90 Cross Country былтыр конвейерден кеткенін ескерсек, бұл модельдің жалғыз бәсекелесі Mercedes‑Benz E‑Class All‑Terrain болады.