Экологиялық порталда жарияланған жобаға сәйкес Астанада тағы 20 LRT станциясы салынады. Екінші, үшінші және төртінші желілердің жалпы ұзындығы 26.5 шақырымға жетеді
Екінші желінің құрылысы биыл 3 мамырда басталған. Оның ұзындығы — 9.13 км, желі бойында тоғыз станция орналады:
- № 201 (ауысып отыруға болады, ол әрі № 301 станция) — төрт қабатты көпір, Сығанақ көшесінің ортасындағы эстакадада тұрады;
- № 202, 203 және 204 — Тұран даңғылы бағытында солтүстіктен оңтүстікке қарай жол үстінде орналасады;
- № 205 — жолдың батыс жағында, Сарыарқа даңғылы бойымен солтүстік — оңтүстік бағытта орналасады;
- № 206, 207, 208 және 209 — Жеңіс даңғылы бағытында солтүстіктен оңтүстікке қарай жол үстінде тұрады.
Үшінші желінің ұзындығы 8.38 шақырым. Мұнда да тоғыз станция бар:
- № 301 — Сығанақ көшесінің ортасындағы эстакада бойында;
- № 302, 303 және 304 — Сығанақ даңғылы бойында шығыс — батыс бағытта жол үстінде орналасады;
- № 305, 306, 307, 308 және 309 — Айтматов даңғылы бойында шығыс — батыс бағытта жол үстінде орналасады.
Астана мен Қосшыны байланыстыратын төртінші желінің ұзындығы 9 км. Мұнда үш станция ғана бар:
- № 401 — жолдың шығыс жағында, Қарқаралы тас жолы бойымен солтүстік — оңтүстік бағытта орналасады;
- № 402 — Қосшыдағы Республика көшесі мен Қарқаралы тас жолы қиылысының оңтүстік жағында орналасады;
- № 403 — жолдың шығыс жағында, Қарқаралы тас жолы бойымен солтүстік — оңтүстік бағытта орналасады.
Екінші және үшінші желі бойындағы станциялар арасындағы қашықтық — 1 шақырым, ал төртінші желіде 3 шақырым болады. Депо Астанада бой көтереді.
Комментариев: 0