Мамандар лазерлі қондырғыларды Ошағанды ауылы маңындағы аркаларға орнатқан. Түнде олар алысқа сәуле шашып, жүргізушілерді ескертеді.
Жүйе жарық жолақтар/кедергілер арқылы ескерту ретінде қызмет етеді. Жол белгілері мен қарапайым жарықтан қарағанда, лазер сызықтарын байқамау мүмкін емес. Олар жолдың қараңғы жерінде бірден көзге түседі.
«Қазавтожол» ҰК Kolesa.kz редакциясына хабарлағандай, құрал бірнеше күннен бері сынақ режимінде жұмыс істеп тұр. Лазер сәулесі 10 шақырымнан көрінеді. Құрылғының сәулесі көзге зиянсыз, трасса үстінде жарықтан дәліз жасайды немесе сигнал береді.
Жүргізуші қалай әрекет етуі керек?
Жүргізуші лазер сәулесін көргенде барынша мұқият болғаны жөн. Жол үстінде лазерден кедергі пайда болса, онда алда қауіпті бұрылыс немесе апатты аймақ күтіп тұр деген сөз.
Жол ережесінде лазер туралы жазылмаған, бірақ оған жол белгілері немесе таңбалар секілді ескерту ретінде қараған жөн:
- жылдамдықты азайту,
- арақашықтық сақтау,
- басқа көліктердің күтпеген маневріне дайын болу.
Түстердің мәнін Қытайдағы пилоттық жобалармен салыстырып, былай топшылауға болады:
- Қызыл — шұғыл ескерту, аса қауіпті аймақ, жылдамдықты бәсеңдету қажет.
- Сары/қызғылт сары — назар аударыңыз, алда тұман, тайғақ жер, бұрылыс және т. б. ықтимал қауіп бар.
- Жасыл — қозғалыс бағыты немесе қауіпсіз аймақ. Жүргізушінің назарын аудару мақсатында дәлізді жарықтандыру үшін қолданылады.
Жүйе қауіпті жағдайда дер кезінде әрекет етуге көмектесіп, шаршаған, зейіні төмендеген жүргізушінің кесірінен немесе төңірек дұрыс көрінбеуі салдарынан болатын апаттарды азайтуға бағытталған. Басқа елдерде трассаға лазер орнату апат санын 40–50 % кемітіпті.
Билік жобаны халыққа алдын ала хабарламай іске қосты, сондықтан жол үстіндегі оғаш сәулелер жұртты шошытқан.
Комментариев: 0