60 «умных» светофоров появятся в Алматы до конца текущего года

Ақылды бағдаршамдар көлік легін реттейді

2022 жылға дейін оңтүстік астана көшелерінде 450 бағдаршам орнату жоспарланып отыр.

Алғашқы кезеңде 60 камера іске қосылады. Жергілікті полиция департаментінің хабарлауынша, 2020-2021 жылдары Алматыдағы 390 көше қиылысына «ақылды» бағдаршам қойылады.

Жетілдірілген құрылғылар көлік легінің тығыздығын, бағыты мен жылдамдығын анықтайды.

Қазір Алматыда 452 бағдаршам жұмыс істеп тұр. Жуырда Достық — Жолдасбеков және Сейфуллин — Төреқұлов қиылыстарына тәжірибе ретінде солға бұрылуға рұқсат беретін не тыйым салатын «қызыл плюс» секциясы орнатылды. Егер «+» жанса солға бұрылуға болады, ал өшіп тұрса, жүргізуші қарсы келе жатқан лекті өткізуге міндетті. Бұрын осындай бағдаршамдар Нұр-Сұлтанда сыналған болатын.

Анықтама ретінде: 5 тамыз — халықаралық бағдаршам күні. Қазақ жерінде алғашқы бағдаршам 1938 жылы қазіргі Алматыдағы Красноармейская (Панфилов) және Гоголь көшелерінің қиылысына орнатылды. Ол кезде қалада сегіз мыңға жуық көлік болған.

Комментариев: 0

Чтобы оставить комментарий, вам необходимо зарегистрироваться или авторизоваться.