Ақтау мен Бейнеу арасындағы трасса ақылы болады

Ақтау мен Бейнеудің арасын жалғап тұрған тас жолдың шамамен 272 шақырымы ақылы жол категориясын алды. Бұл жөнінде көлік министрінің міндетін уақытша атқарушы қол қойған № 243 бұйрықта жазылған, 6 тамызда жарияланған құжат он күн ішінде күшіне енеді. Демек 17 тамыздан бастап тұрғындардың қалтасына салмақ түседі.

Жауапты мекеме трассаның 786-дан 513-ке дейінгі бөлігінде ақша жинауға ниетті. Аталған жол ақылы болатынын министрлік биыл қаңтарда хабарлаған, бірақ ол кездегі жоспар бойынша трасса толығымен ақылы режимге көшуі керек еді.

Бір бағытта қозғалған жеңіл көлік иесі кейін төлеуді жөн көрсе 0.0379 АЕК (149 теңге) береді, ал ерте есептессе 0.0325 АЕК (127.8 теңге) шығарады. (Биыл 1 АЕК 3932 теңгеге тең, — Kolesa.kz еск.).

Жүк көлігі мен автобус жүргізушілерінен техниканың сыйымдылығы мен жүк көтергіштігіне байланысты 1998 теңгеден 10 062 теңгеге дейін (кейінгі төлем) немесе 1698.3 теңгеден 8555 теңгеге дейін (алдын ала төлем) алады.