Аризона заң шығару жиналысының мүшесі Ник Куппер штатта ақылмен көлік жүргізу деп аталатын заңды қайта енгізуді ұсынды. Мұндай норма 1995–1999 жылдары Монтана штатында қолданылған. Ол кезде жылдамдықты тек жүргізушінің жауапкершілігі мен ақыл-парасаты шектейтін.
Куппер қауіпсіздік талаптарын ескере отырып, қажет өзгеріс енгізіпті. Техникалық тұрғыдан дайын трассада, халық саны 50 мыңнан асатын қаладан тыс жерде және күндіз ғана шектеусіз жүруге болады. Бірақ жүк көлігі және автобуспен олай қозғалуға рұқсат жоқ. Түнде жылдамдық шегі — 80 миль/сағ (128 км/сағ).
Билік заң жобасын қабылдаса көлік департаментінің директоры штаттағы автожолдардың бір бөлігін жылдамдық шегі жоқ аймақ ретінде таңдай алады деп жазды Carbuzz. Бұл желмен жарысқанды жақсы көретін жүргізушілер үшін жақсы жаңалық.
Комментариев: 0