АҚШ-тағы кастомайзерлер жаңа Silverado-ны классикалық C10-ға айналдырды

Кез келген елде қазіргі машиналар көңілінен шықпайтын адамдар табылады, өйткені олардың арманындағы автомобиль әлдеқашан өндірістен алынған.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Осындай адамдардың талғамын ескере отырып, Калифорниядағы Icon 4×4 ательесі жаңа Chevrolet Silverado 1500-ді 1967–1972 жылдары шыққан Chevrolet C10 және C20 пикапына айналдыру жобасын бастады. Chevrolet C Modern Retro Series бағдарламасы аясында шеберлер донор-машинаның рамасы, V8 моторы, 10 сатылы автомат қорабы және толық жетек жүйесін алып, оның үстіне ескі модельдің қайта қалпына келтірілген шанағын орнатады.

1 / 9

• 
• 
• 
• 
• 
• 
• 
• 
• 

1 / 9

Дыбыс изоляциясы жақсарған салонда круиз-бақылау, ABS, эйрбэг, климат-бақылау және шағын экраны бар мультимедиа жүйесі пайда болған. Сондай-ақ алдыңғы панель архитектурасы мен аспаптар панелінің винтажды дизайны сақталған. Ал әйнекті түсіру үшін тұтқаны төмен қарай сәл басу керек.

1 / 5

• 
• 
• 
• 
• 

1 / 5

Аелье клиенттерге рестомодтың екі нұсқасын ұсынады. Біріншісі — Derelict (бағасы донор-машинаны қоса есептегенде 450 мың доллардан басталады), мұнда шанақтың өңі кеткен бояуы, жасанды тот сияқты ескі көлікке тән ерекшеліктер сақталады. Екіншісі — Old School, оның бағасы 500 мың доллардан басталады. Мұндай пикап зауыттық үлгіде боялып, сырттай автосалоннан жаңа шыққандай көрінеді. Ателье қазірше небәрі бес дана осындай пикап шығаруды жоспарлап отыр.