АҚШ-та Toyota Land Cruiser 250 қанша тұрады

Былтыр тамыздың басында Toyota Америкада Land Cruiser деп қана аталатын жаңа жол талғамайтын көлікті ресми таныстырды. Бұл модель бізге Land Cruiser Prado-ның келесі буыны ретінде жақында келеді. Әлемдік премьера аясында жапон брендінің өкілдері машинаның АҚШ-тағы құны шамамен 55 мың доллардан басталатынын айтты. Биыл ақпанда нақты бағасы белгілі болды.

1 / 5

Сколько будет стоить новый Toyota Land Cruiser 250 в США

Toyota Land Cruiser 1958

1 / 5

АҚШ-та ең қарапайым нұсқасы 55 950 доллар (25.3 млн теңге) тұрады. Атауындағы 1958 қосымшасы Land Cruiser-дің алды ретро стилінде жасалып, домалақ шамдары болады дегенді білдіреді. Базалық нұсқада ортаңғы және артқы дифференциалды бұғаттау, Multi-Terrain Select (MTS) жүйесі, көмекші электрониканың толық жинағы, толық жетек жүйесі бар. Салонында 7 дюймдік аспаптар панелі, 8 динамикті 8 дюймдік мультимедиа, әртүрлі жылыту жүйесінің жинағы орналасады, орындық пен рөл колонкасы қолмен реттеледі.

1 / 12

Toyota Land Cruiser

1 / 12

Қымбатырақ Land Cruiser-дің құны 61 950 доллардан (28.1 млн теңге) басталады және домалақ шам орнына төртбұрыш шам орнатылады. Одан бөлек жабдықтар тізіміне ажырайтын алдыңғы стабилизатор (SDM), Multi-Terrain Monitor (MTM) айнала шолу камерасы, аспаптар панелінің 12.3 дюймдік экраны мен медиакешен, орындықты жылыту және желдету жүйелері, электр күшімен реттелетін орындық пен рөл колонкасы, электр жетегі бар жүксалғыш есігі және т.б. енеді. Ақылы опция ретінде 14 динамигі бар аудиожүйе, ұсақ-түйек салатын жерде орналасқан салқындатқыш бокс, проекциялы экран, сымсыз қуаттағыш, люк және т.б. қоса аласыз.

Үздік модификация — Land Cruiser Final Edition. 1958 сияқты оның да шамы домалақ, бірақ ол толық жабдықталады. Final Edition-ның құны 74 950 доллардан (33.9 млн теңге) басталады.

Барлық Land Cruiser J250-дің 2.4 T24A-FTS турбомоторы негізінде жасалған гибрид күштік құрылымы шағын электрлі қозғалтқышпен және 8 сатылы автоматпен жұптасады. Мотор 330 ат күшін және 630 Нм айналу моментін береді.

АҚШ-та жаңа Land Cruiser-дің құны теңгемен есептегенде 25.3–33.9 миллионды құрайды. Анықтама ретінде: Қазақстанда LC Prado J150-дің 2.7 литрлік қозғалтқышы және механикалық қорабы бар жиынтығының бағасы 24.1 миллион теңгеден басталады, ал 4 литрлік V6 моторы бар және 7 орынды «Люкс» комплектациясы 43.8 млн теңге тұрады.

Комментариев: 0