АҚШ-та жақсы сақталған ескі Subaru Impreza WRX STi аукционға шықты

АҚШ-тағы аукцион порталдарының бірінде 2005 жылғы Subaru Impreza WRX STi қызу саудаға түсіп жатыр. Автомобиль жақсы сақталған жағдайымен көзге түсті. Одометрі небәрі 18 мың шақырым көрсетіп тұр.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Лот сипаттамасында машина Вашингтон штатындағы дилерден сатып алынғаны және 2014 жылға дейін жалпы жолға анда-санда шыққаны жазылған, кейін Канзасқа көшкен. Жаңа иесі де қуатты Impreza-ны ерекше жағдайда ғана жүргізген. Ол бар болғаны 320 шақырым еңсеріпті.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Impreza WRX STi керемет жағдайда, бірақ шанағында сызат, алдыңғы бамперінің бояуында жарық бар. Көлік зауыттан шыққандағы күйін сақтап қалған, тек Rally Armor шашыратқышы мен үрлем қысымының сезгегі орнатылған.

Автомобиль 300 ат күшін және 407 Нм момент беретін 2.5 литрлік турбомотормен жүреді. Қозғалтқыш 6 сатылы механикалық қораппен және электроника басқаратын ортаңғы дифференциалы бар фирмалық толық жетек жүйесімен жұмыс істейді.

Сатушының айтуынша саудаға шықпас бұрын көліктің барлық жетек белдігі мен бірнеше келтеқұбыры ауысып, техникалық қызмет көрсетуден өткен, бірақ қазіргі иесі жаңа шина сатып алуы керек сияқты, себебі Subaru-да әлі күнге дейін 2004 жылы шыққан Bridgestone Potenza RE070 шиналары тұр.

Қазір Subaru Impreza WRX STi-дың құны 42.3 мың долларға (19.7 млн теңге) жетті.