АҚШ-та бірнеше штаттың прокурорлары бастаған Kia және Hyundai маркаларына қарсы сот аяқталды. Автоөндірушілер шара қабылдауға уәде берді. Солтүстік Америкада соңғы бірнеше жылда Kia Challenge деп аталатын құбылыс кең тарады. Ұрылар бренд машиналарын әлеуметтік желіде көрсету үшін айдап әкетеді, бірақ қазір компаниялар оны тоқтатудың жолын тапты. Кейбір есеп бойынша альянс бұған 500 млн доллар жұмсайды.
Kia мен Hyundai Америкадағы клиенттері үшін көлік бағасын түсіру мақсатында комплектациядан ұрлыққа қарсы жабдықты — дабыл жүйесі мен иммобилайзерді алып тастаған. Салдарынан ұрылар автомобильді оңай ашып, оталдыра алады. Көпшіліктің назарын аударуға құмар бұзақылар «жетістігін» әлеуметтік желіге сала бастады. Миллиондаған адам қарап қана қоймай, ізбасарлары пайда болды.
Қылмыскерлер кәріс брендінің автомобильдерін ақша табу мақсатында емес, лайк үшін ұрлай бастады. Тергеушілер арасында ұрлыққа қарсы жүйесі бар көліктер де кездеседі дейді. Машинаны оталдыра алмаған қаскөйлер техниканы әдейі зақымдапты. Вандалдар оқиға орнына барған полициядан қашпақ болған, ресми дерекке сәйкес мұндай оқиғалар 14 жол апатына және 8 қайғылы жағдайға әкелген.
Қазір Kia мен Hyundai 2011–2020 жылдары шыққан ескі машиналардың оталдыру құлпын күшейткіш элементтермен қайта жабдықтайды. Ол құлыпты бұрауға мүмкіндік бермейді. Бағдарлама 2027 жылдың наурызына дейін жұмыс істейді, концерн шамамен 4 млн Hyundai және 3.1 млн Kia өнімдерін жақсартпақшы. Альянс өтемақы ретінде 9 млн доллар төлейді, бірақ 2023 жылы зардап шеккен көлік иелері өндірушіден 200 млн доллар өндіріп алған.
Комментариев: 0