АҚШ-та ескірмеген BMW 325i сатылады

АҚШ-тағы онлайн аукциондардың бірі E36 шанақты 3-сериялы BMW седанын саудаға қойды, сатушылар сипаттамада машина әлі жаңа екенін жазған. 1990 жылдардың басында шыққан «үштіктің» жүрген жолы 3 мың мильге де жетпейді. Одометр 2952-ні көрсетіп тұр.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Бұл 325-тің тарихы туралы ақпарат жоқ, бірақ аппақ седан көп жыл бойы бір адамның қолында болғаны белгілі. BMW 1992 жылы Нью-Йорк штатында тіркелген, қазіргі иесі былтыр сатып алып, Нью-Джерсиде қайта тіркепті. Автомобиль одометрдегі көрсеткіштің көбін (2306 милін) 1992–1999 жылдар аралығында еңсерген.

Седан 189 ат күшіне ие (245 Нм) 2.5 литрлік M50 сериялы алты цилиндрлі мотормен жүреді. Қозғалтқыш 4 сатылы автомат қораппен жұптаса жұмыс істейді.

Сатушы комплектацияда екі аймақты климат-бақылау, жылытуға болатын кресло, борттық компьютер және круиз-бақылау бар, интерьері былғарымен қапталған деп жазыпты.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Аукцион аяқталуға жақын, E36-ның бағасы 10.5 мың доллар (5.3 млн теңге) жетті. Сауда аяқталғанша құны біршама өсуі мүмкін.

E36 шанақты 3-сериялы BMW Қазақстан жолдарында көп кездеседі. Kolesa.kz-те қазір 500-ге жуық «үштік» сатылып жатыр, кейбірінің бағасы 8.5 млн теңгеге жетеді. Бірақ бәрі M3 емес.