АҚШ-та аз жүрген Volkswagen Corrado аукционға шықты

Америкадағы аукциондық порталда 1990 жылдардың басында шыққан хот-хетч саудаға түсті. Ол — АҚШ-қа былтыр тамызда келген Volkswagen Corrado. Көлік ең алдымен жасына қарамастан жағдайымен және аз жүргенімен көзге түседі. Отыз жылда Corrado 25 мың шақырым да жүрмеген.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Бұл экземпляр 190 ат күшін және 245 Нм момент беретін әйгілі 2.9 литрлік VR6 қозғалтқышымен жүреді. Агрегат 5 сатылы механикалық қораппен үйлеседі.

Сатушылар бұрынғы иесі атақты ABT тюнинг ательесінің логотипі бар Momo рөлді және 15 дюймдік BBS дискілерді орнатқанын айта кетті. Сатып алушыға автокөлікпен бірге өзінің рөлі, сонымен қатар зауыттық құжаттар мен қызмет көрсету және сату алдында май, сүзгілер және басқа да техникалық сұйықтықтардың ауысқанын растайтын құжаттар беріледі.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Хабарландыруда хетчбектің алдыңғы бампері боялғанынан бөлек, көліктің тарихы туралы нақты айтылмаған. Алайда лотқа жазған пікірлерден Corrado VR6 АҚШ-қа Нидерланд арқылы келгені белгілі, ал елдегі бірінші сатушы Нью-Джерсидегі автосалон болды, ол машина үшін шамамен 50 мың доллар сұраған.

Қазіргі бағасына келетін болсақ, аукционның аяқталуына бірнеше күн қалғанда құны бар болғаны 25 мың долларға жеткен.

Анықтама ретінде: Volkswagen Corrado Германияда 1988-1995 жылдары шыққан, осы уақыт ішінде модельдің тек 97 521 данасы конвейерден түсті, оның жартысынан көбі АҚШ-та ресми түрде сатылды.