АҚШ-та 20 000 доллар тұратын пикап шығады

Шанхай автосалонымен бір мезгілде АҚШ-та жаңа автоөндірушінің тұсаукесері өтті. Компания Slate Auto деп аталады, оның алғашқы моделі арзан шағын пикап болады, батареялы автомобильдің бағасы — 20 мың доллар (10.3 млн теңге).

Truck деп аталатын екі орынды пикаптың ұзындығы 4.5 метрге жетпейді, бірақ жүк платформасы әдеттегі толық өлшемді модельдермен шамалас — 1.5 метр. Жаңа өнімнің салмағы — 1.6 тонна, жалпы 650 келі жүк көтере алады.

1 / 8

• 
• 
• 
• 
• 
• 
• 
• 

1 / 8

Машинаның экстерьері мен салонының дизайны өте қарапайым. Іште бөлек медиажүйе жоқ, оның орнында смартфонға арналған бекіткіш қондырғы тұр. Опциялар тізімінде Bluetooth арқылы телефон қосуға болатын динамик бар. Цифрлы аспаптар панелі де тым кішкене. Шығынды азайту үшін компания заманауи электрлі әйнек көтергіштен бас тартқан. Бірақ қауіпсіздікті басты назарда ұстапты. Автомобиль электронды көмекшілер жинағымен, стандарт және қосымша эйрбэгпен жабдықталған.

Пикаптың алдыңғы аспасы тәуелсіз Макферсон типті, артында тәуелді «Де-Дион» схемасы орналасқан. Truck артқы осьтегі 201 ат күшіне ие (400 Нм) бір электромотормен жүреді, қозғалтқыш 52.7 киловатт батареядан қуат алады. Мұндай комбинацияда пикаптың жүріс қоры 240 шақырымға жетеді. Опция ретіндегі 84.3 кВт·сағ аккумуляторы машинаның 386 км жүруіне мүмкіндік береді. Ең жоғары жылдамдығы — 145 км/сағ.

1 / 6

• 
• 
• 
• 
• 
• 

1 / 6

Модель нарыққа шыққан соң компания фирмалық аксессуарлар жинағын ұсынады, ол әртүрлі шанақ жапсырмасы және Truck-ты бес орынды жол талғамайтын көлікке айналдыратын қондырма мен диванды қамтиды.

Slate Auto автомобильді АҚШ-та шығарады, бірақ зауыт қайда орналасатыны белгісіз.