2018 жылдың қазан айында Париждегі автосалонда вьетнамдық VinFast брендінің алғашқы кроссовері көпшілік назарына ұсынылған еді. Дизайнын италиялық Pininfarina ательесі жасаған көліктің негізінде BMW технологиялары мен компоненттері жатыр. Араға алты ай салып, Женевада компания кроссовердің LUX түрленімін жария етті.
Сырттай көлік агрессивті бастырығымен, өзге біліктерімен және аласа отырысымен ерекшеленеді, алайда басты ерекшелік қақпақ астына жасырылған. Жол талғамайтын көлік 2 литрлік N20 турбомоторы арқылы емес, 455 аттың күші мен 624 Нм күш сәтін беретін 6.2 литрлік атмосфералы V8 арқылы іске қосылады. Қозғалтқыштың қандай қораппен жұптаса жұмыс істейтіні айтылмайды, дегенмен оның автоматты болатыны анық. Өндірушілер моторды Chevrolet көлігінен алыпты. Дәл сондай V8 Corvette және Camaro SS көліктеріне де орнатылған.
Осы орайда біздің алдымызда тұрған концепт емес, серия алды прототип екенін айта кетейік. VinFast жол талғамайтын көліктің шектелген тиражбен шығарылатынын айтады. 2020 жылы марканың ТМД елдерінің нарығына шығуды жоспарлап отырғанын ескерсек, LUX V8 үлгілерін біздің жолдардан көріп қалуымыз да ғажап емес.
Комментариев: 0